13,5 тонна алтын, 23 тонна акча топтогон Гуанчжоу шаарынын экс-мэри өлүм жазасына тартылды
Кытайдын Гуанчжоу шаарынын мурдагы мэри Чжан Ци коррупция, жасалма акчаны колдонгондугу жана кызмат абалынан кыянаттык менен пайдалангандыгы үчүн өлүм жазасына тартылганын жергиликтүү маалымат каражаттары билдиришкен.
Маалыматтарга караганда, анын үйүндө жүргүзүлгөн тинтүү учурунда 13,5 тонна алтын жана 23 тонна акча табылган, бул жалпы 286 миллиард юанга барабар.
"Тергөө учурунда белгилүү болгондой, бул миллиарддаган долларлык активдер паралар жана жер сатуу келишимдери аркылуу алынган. Тергөө 2019-жылдан бери жүргөн", — деп билдиришкен маалымат булактары.
Мурдараак, Кытайда China Huarong International Holdings инвестициялык компаниясынын мурдагы башкы директору Бай Тяньхуэй пара алып, 156 миллион долларды алгандыгы үчүн өлүм жазасына тартылган. Февралда анын апелляциясы канааттандырылган жок жана сот чечими күчүндө калды.
