Транспорт

Кыргызстан авиациясында "кара тизмеден" чыгуу боюнча олуттуу жылыш бар

Ишкер Media

16 дек. 2025 09:12

Европа комиссиясы жана Евробиримдиктин Учуу коопсуздугу боюнча комитети (EU Air Safety Committee) КРнын Жарандык авиация мамлекеттик агенттигине 2025-жылы авиациялык коопсуздук тармагында жетишилген олуттуу прогресс үчүн расмий кат жөнөткөнүн агенттиктин жетекчиси Данияр Бостонов билдирди.

Катта мыйзамдарды реформалоо, институттук мүмкүнчүлүктөрдү чыңдоо, инспекторлордун санын көбөйтүү жана көзөмөлдүн заманбап жол-жоболорун киргизүү сыяктуу жетишкендиктер белгиленген.

Бул Евробиримдиктин авиациялык “кара тизмесинде” турган 19 жыл ичиндеги Евробиримдиктин Учуу коопсуздугу боюнча комитетинен алынган алгачкы оң мүнөздөгү кат болуп эсептелет.

Эгерде кийинки жылдын жаз айларында Евробиримдиктин миссиясы улуттук жарандык авиация системасынын даярдыгын тастыктаса, Кыргызстан тарыхындагы авиация тармагы үчүн эң маанилүү чечимдердин бирине жакындай алат.

Буга чейин Жарандык авиация мамлекеттик агенттиги Брюсселде учуу коопсуздугун көзөмөлдөө тармагындагы реформалардын жыйынтыктарын ийгиликтүү тааныштырган.

"Бул каттагы эң маанилүү жагдай — эгер Жарандык авиация мамлекеттик агенттиги Европа комиссиясы көрсөткөн бардык жол-жоболорду жана талаптарды өз убагында аткарса, анда Евробиримдиктин “кара тизме” боюнча миссиясы 2026-жылдын март айында Кыргызстанга келет. Бул Евробиримдик тарабынан жүргүзүлө турган акыркы аудит болот", — деп түшүндүрдү агенттиктин жетекчиси.

Мындан тышкары окуңуз

МинКаб Сокулукта 2 чакан ГЭСти куруу боюнча инвестициялык келишимди жактырды

Министрлер кабинети Сокулук ГЭС-3 менен Чүй облусунун Сокулук районунда "Сокулук ГЭС-3" жана "Туюк ГЭС" чакан гидроэлектр станцияларын куруу долбоорун ишке ашыруу боюнча инвестициялык келишимдин долбоорун жактырды. Келишимге Министрлер кабинетинин атынан кол коюу президентке караштуу Инвестициялар боюнча улуттук агенттиктин жетекчисине жүктөлдү. Келишим долбооруна ылайык, биринчи этапта Сокулук

"Аю Холдинг" компаниясынын ээси Ш. Абдыкеримов К.Ташиевге жооп берди

Учурда чет өлкөдө жашап жаткан ишкер, Кыргызстанда "Аю Холдинг" ири компаниясын түптөгөн экс-депутат Шаршенбек Абдыкеримов УКМК мурдагы төрагасы Камчыбек Ташиевге жооп берди. Ал мүлкүнөн айрылганы боюнча “болгон фактыны” айтып жатканын 28-мартта Фейсбук баракчасына жазганын "Азаттык" жарыялады. “Урматтуу Камчыбек Ташиев, сиз менин кайрылуумду “калп” деп жатасыз. Мен

"Акчаны туура колдонуу - үйдө береке болгону" – Глобалдык акча жумалыгы

Эртеңден тартып Кыргызстанда финансылык сабаттуулукту жогорулатуу боюнча жыл сайын өтүүчү Глобалдык акча жумалыгы башталарын Улуттук банктан билдиришти. Өнөктүк "Акчаны туура колдонуу - үйдө береке болгону" деген ураан менен өтөт. Анда калктын финансылык сабаттуулугун жогорулатуу, чыгашаларды көзөмөлдөө жана инвестициялоо көндүмдөрүн калыптандыруудан тартып, алдамчылыктан коргонуу ыкмалары боюнча маалыматтар берилет. 30-марттан

Дүйнө азык-түлүк каатчылыгына кептелиши ыктымал

Дүйнө өлкөлөрү азык-түлүк кризисинин босогосунда турганын жана дүйнөлүк азык-түлүктүн 50%ы синтетикалык жер семирткичтерге көз каранды экенин аналитик Лукас Эквуаме эскертти. Түндүк жарым шарда эгүү сезону башталып жатат, бирок жер семирткичтерге жеткиликтүүлүк өтө чектелүү. Ормуз кысыгындагы көйгөйлөрдөн улам жер семирткичтердин жеткирүүлөрүнүн болжол менен 30%ы үзгүлтүккө учурады, дагы 20%ы