Транспорт

Төө-Ашууда оор жүк ташуучу унааларга киргизилген чектөө алынды

Ишкер Media

16 дек. 2025 10:10

Бүгүн, 16-декабрга карата өлкөнүн ашууларында жол ачык, каттам бар. Буга чейин Бишкек-Ош унаа жолунун Төө-Ашуу ашуусунда (Сосновка постунан) оор жүк ташуучу унааларга киргизилген чектөө алынды. Бул тууралуу Транспорт жана коммуникациялар министрлигинин маалымат кызматы билдирди.

Маалыматка ылайык, азыркы тапта № 9 Жол тейлөө ишканасы тарабынан тазалоо, инерттик материалдарды себүү иштери жүрүүдө. Ал эми Ала-Бел ашуусунда оор жүк ташыган унааларга карата киргизилген чектөө күчүндө. Кошумча маалымат берилет.

Белгилей кетсек, жети дубан жолдорунда Жол тейлөө ишканалары тарабынан тазалоо, кум-туз аралашмасын чачуу жумуштары үзгүлтүксүз аткарылып жатат.

Транспорт жана коммуникациялар министрлиги унаа дөңгөлөктөрүн кышкыга алмаштыруу менен керектүү шаймандарды ала жүрүүгө жана жол эрежесин так сактоого чакырат.

Мындан тышкары окуңуз

Майыптыгы бар адамдар үчүн инклюзивдик мүмкүнчүлүктөр кеңейүүдө

Майыптыгы бар адамдар үчүн инклюзивдик мүмкүнчүлүктөр кеңейүүдө

Күн мурун Эмгек, социалдык камсыздоо жана миграция министрлиги менен Майыптыгы бар адамдардын иштери боюнча Кеңеш Бириккен Улуттар Уюму менен биргеликте Кыргызстанда майыптыгы бар адамдардын укуктарын жана инклюзиясын илгерилетүүгө багытталган БУУнун Майыптык маселелери боюнча Глобалдык фондунун (UNGDF) эки жылдык долбоорунун жыйынтыктары менен тааныштырды. Бул тууралуу Эмгек, социалдык камсыздоо жана миграция министрлигинен

Тигүүчүлөр үчүн киреше салыгы жана камсыздандыруу төгүмдөрү азаябы?

Тигүүчүлөр үчүн киреше салыгы жана камсыздандыруу төгүмдөрү азаябы?

Кыргызстанда тигүү тармагында иштеген кызматкерлер үчүн киреше салыгынын жана камсыздандыруу төгүмдөрүнүн ставкаларын төмөндөтүү боюнча мыйзам долбоору даярдалганын Мамлекеттик салык кызматынын төрагасынын орун басары Кубанычбек Ысабеков радионун түз эфиринде билдирди. Анын айтымында, демилге президенттин тапшырмаларынын алкагында ишке ашырылып, иш менен камсыздоону "ачыкка чыгарууга" жана экспортту колдоого багытталган. Ошондой эле

Кыргызстан БУУдагы тынчтык диалогунун демилгечиси болду

Кыргызстан БУУдагы тынчтык диалогунун демилгечиси болду

Кыргызстандын демилгеси менен 2025-жылдын 15-декабрында Нью-Йорк шаарында Германиянын төрагалыгы астында БУУнун Тынчтыкты куруу комиссиясынын жыйыны болуп өттү. Бул тууралуу ТИМ басма сөз кызматынан кабарлашты. Билдирүүгө караганда, жыйында Кыргызстан, Тажикстан жана Өзбекстандын чек ара маселелерин эл аралык укуктун алкагында, тынчтык жолу менен жөнгө салуудагы жетишкендиктери жогору бааланды. КРнын Тышкы иштер министринин

Казакстанда кремний эритмелерин чыгаруучу ири завод ишке кирди

Казакстанда кремний эритмелерин чыгаруучу ири завод ишке кирди

Караганда облусунда кремний эритмелерин чыгаруучу завод ишке киргенин tengrinews.kz сайты жазды. Жаңы ишкана кремний кластерин түзүү боюнча ири долбоордун биринчи этабы болуп саналат. Бул кластер чийки затты казып алуудан жана электр энергиясын өндүрүүдөн тартып, жогорку технологиялуу тармактар үчүн материалдарды чыгарууга жана андан ары күн панелдерин өндүрүүгө чейинки циклди камтыйт.