Төө-Ашууда оор унааларга убактылуу чектөө киргизилди
Бүгүн, 17-декабрдан тарта Бишкек-Ош унаа жолундагы Төө-Ашуу ашуусунда (Сосновка постунан) оор жүк ташуучу унаалар үчүн убактылуу чектөө киргизилди.
Транспорт жана коммуникациялар министрлигинин маалыматы боюнча, чектөө №9 Жол тейлөө ишканасы тарабынан ашууну тазалоо жана инерттик материалдарды себүү иштерине байланыштуу киргизилди.
Министрлик айдоочуларга жол эрежелерин сактоону жана каршы тилкеге чыкпоону эскертет. Ошондой эле кышкы шартка ылайык, унаа дөңгөлөктөрүн алмаштырып алууга чакырат.
Аймактагы кырдаал боюнча кошумча маалыматтар жана жол абалы тууралуу жергиликтүү жол тейлөө кызматтарынын билдирүүлөрүн байкап туруу сунушталат.
