Жаңы жылда шаардык автобустар түнкү саат 2ге чейин иштейт
Борбор калаада 1-январга караган түнү 300 автобус түнкү 2ге чейин иштерин “Бишкек шаардык транспорт” муниципалдык ишканасынын директору Талант Капаров “Биринчи радионун” түз эфиринде билдирди.
Анын айтымында, Жаңы жыл күнү калаанын тургундары үчүн Ала-Тоо аянтында маданий иш-чаралар өтөт.
“Майрамдык кечеге келген жана жалпы шаар тургундарынын ыңгайлуулугу үчүн коомдук транспорттор штаттык режимде иштейт”,-деп белгиледи ал.
Анын айтымында, учурда Бишкекте жалпы 1 628 автобус болсо, анын 1200ү каттамдарга каттамдарга чыгып, элге кызмат көрсөтүп жатат.
"2026-жылы ААРдин курамына кирген жаңы конуштардагы тар көчөлөр үчүн узундугу 7 метр болгон автобустар алып келинет. Анткени 12 метрлик ири автобустар ал жерлерге батпайт”, - дейт ал "Кыргыз радиосуна" берген маегинде.
