2025-жылы өлкөдө 8 миңден ашык жол кырсыгы катталган
Бүгүн, ИИМдин Жол кыймылын координациялоо жана контролдоо бөлүмү (ЖКККББ) 2025-жылдын 12 айындагы ыкчам кызматтык ишмердүүлүгүнүн жыйынтыгын чыгарды. Бул тууралуу ЖКККББнын маалымат кызматынан билдиришти.
Ыкчам кеңешмеге ИИМдин ички иштер министринин орун басары Октябрь Урмамбетов, ички иликтөө кызматынын башчысы Улан Бийбосунов, ЖКККББнын башчысы Азенбек Козукеев, ошондой эле облус, шаар жана райондук ЖКККББнын жетекчилери катышты.
Кеңешменин алкагында жыл мыктылары сыйланып, 2025-жылы аткарылган иштердин жетишкендиктери жана кемчиликтери талкууланды. ИИМдин орун басары Октябрь Урмамбетов кызматкерлерге кызматтык тартипти сактап, жол кыймылынын коопсуздугун камсыздоодо талыкпай иштөөнү тапшырды.
Анын айтымында, кызматкерлердин билим деңгээлине көңүл буруу, жумушка кабыл алууда тыкыр көзөмөл жүргүзүү, айдоочулар менен сылык мамиле жасоо жана заман талабына ылайык ишмердүүлүктү жүргүзүү маанилүү.
Кеңешмеде такси айдоочуларын лицензиялоо, жол кырсыктарынын алдын алуу боюнча иштерди күчөтүү тапшырмасы берилди. Белгиленгендей, 2025-жылы өлкө аймагында 8 миңден ашуун жол кырсыгы катталган, көбү ылдамдыкты ашыруу, жолдо туура эмес манёвр жасоо, мас абалда айдоо, аралыкты сактабагандыктан жана жол белгилер
