Бишкектеги бардык автобустарда кондиционер орнотулат
Жакынкы убакта Бишкек шаарында кондиционери жок бардык автобустарды кондиционер менен жабдуу пландалып жатканын журналисттерге борбор калаанын Транспорт жана жол-транспорттук инфратүзүмдү өнүктүрүү департаментинин директору Уланбек Бейшенбаев билдирди.
Анын айтымында, иштер Кытай жаңы жылы аяктагандан кийин башталат.
"Биз күз-кыш айларында заводго барып келдик. Ортомчусуз эле кондиционер чыгарган заводдун директору менен түз сүйлөшүүлөрдү жүргүздүк. Белгилей кетейин, бул завод “Tesla” унааларына да кондиционер жеткирет. Демек, бул абдан ири завод. Март айынын башында заводдун өкүлдөрү Бишкекке келишет. Алар тесттик режимде бир автобуска кондиционер орнотуп көрүшөт. Наркы сыноо бүткөндөн кийин белгилүү болот жана жеткиликтүү каражат бюджеттен каралат", — деди Бейшенбаев.
