KOICA Кыргызстанга он даана Hyundai электромобилин тапшырды
Корея Республикасы Кыргызстандагы мамлекеттик органдарга Hyundai IONIQ 5 үлгүсүндөгү он даана электромобиль тапшырганын Экономика жана коммерция министрлигинин басма сөз кызматы билдирди.
Маалыматка ылайык, автоунааларды жеткирүү Корея тарабынан каржыланып, Кыргызстанда экологиялык жактан таза транспортту өнүктүрүү жана мамлекеттик автопарктарды электромобилдерге өткөрүү долбоорунун алкагында ишке ашырылды.
Долбоор Кореянын эл аралык кызматташтык агенттиги (KOICA) менен биргеликте жүзөгө ашырылууда.
Кызматташтыктын алкагында төмөнкүлөр каралган:
- "Кыргыз почтасы" ААКнын автопаркын жаңыртуу, кызмат көрсөтүүлөрдүн сапатын жакшыртуу жана экологиялык чечимдерге өтүү;
- өлкөдөгү мамлекеттик органдарда электромобилдердин иштешин камсыз кылуу үчүн атайын кубаттоо (заряддоо) инфраструктурасын түзүү.
