ШКУ саммитине байланыштуу бир нече көчөлөр жабылат
30-августтан 6-сентябрга чейин Бишкек, Чүй жана Ысык-Көлдө жол кыймылына убактылуу чектөөлөр киргизилет.
Бишкек шаардык мэриясынын маалыматына ылайык, жол кыймылына төмөнкү жолдордо чектөөлөр киргизилет:
“Манас” эл аралык аба майданынан баштап Васильев тракты, Ю. Фучик көчөсү, Чүй, Манас жана Ч. Айтматов проспектилери, Ж. Абдрахманов, Байтик баатыр, А. Масалиев, Жайыл баатыр жана Б. Алыкулов көчөлөрү.
Чүй облусунун айрым негизги унаа жолдорунун тилкелери.
Ысык-Көл облусунун “Тамчы” эл аралык аба майданынан Чолпон-Ата шаарына чейинки тилке, ат майданынын аймагы жана Кырчын капчыгайына алып баруучу жолдор.
Белгилей кетсек, 31-августтан 6 сентябрга чейин VI Дүйнөлүк көчмөндөр оюндары, ошондой эле 31-августтан 1-сентябрга чейин ШКУ саммити өтмөкчү.
