Таласта Кызыл-Адыр – Чоң-Капка жолунун 11 чакырымы асфальтталды
Талас облусундагы Кировка – Гребень – Плотина унаа жолунун Кызыл-Адырдан Чоң-Капка өткөрмө пунктуна чейинки 11 чакырым тилкесине асфальт-бетон төшөө иштери толугу менен аяктады. Бул тууралуу Транспорт жана коммуникациялар министрлигинен билдиришти.
Жолдун асфальтталышы аймактагы транспорттук байланышты жакшыртып, жергиликтүү тургундар үчүн ыңгайлуу жана коопсуз жүрүүгө шарт түзөт.
2026-жылга карата титулдук тизмеге ылайык, Талас облусунун Айтматов жана Манас райондорунда жалпы 28 чакырым жолду асфальттоо каралган. Долбоор үч тилке боюнча ишке ашырылууда.
Учурда Тараз – Покровка – Кайыңды унаа жолунун 9 чакырымында шагыл-мастикалык асфальт төшөө иштери жүрүп жатат.
Ал эми Гребень – Плотина – Покровка жолунун 8 чакырымдык тилкеси асфальттын экинчи катмарын төшөөгө даярдалды.
