Бишкекте 22-августта "Бишкек Аренага" жакын көчөлөрдө кыймыл чектелет
22-августта VI Дүйнөлүк көчмөндөр оюндарынын ачылыш аземинин акыркы репетициясына байланыштуу Бишкектин айрым көчөлөрүндө транспорт кыймылына убактылуу чектөө киргизилет. Бул тууралуу мэриядан билдиришти.
Саат 10:00дөн 19:00гө чейин төмөнкү көчөлөрдө унаалардын жүрүүсү чектелет:
- Аалы Токомбаев проспектиси – Чортеков көчөсүнөн Барпы Алыкулов көчөсүнө чейин;
- Д. Күйүкова көчөсү – Чортеков көчөсүнөн Махатма Ганди көчөсүнө чейин;
- Эр-Тайлак көчөсү – Чортеков көчөсүнөн Арча-Бешик көчөсүнө чейин;
- Махатма Ганди көчөсү – Аалы Токомбаев проспектисинен Ахунбаев көчөсүнө чейин.
Убактылуу чектөө "Бишкек Арена" стадионунда өтө турган Дүйнөлүк көчмөндөр оюндарынын ачылыш аземинин акыркы репетициясына байланыштуу киргизилет.
Шаар тургундарына жана конокторуна каттамдарын алдын ала пландоо сунушталат.
