Кыргызстандын экономикасына бир аз «жан кирди»

Кыргызстандын экономикасы акырындык менен болсо да биринчи позитивдүү сигналдарды бере баштады. Бул тууралуу Улуттук Банк маалымдайт.

Көзөмөлдөөчү органдын маалыматына ылайык, 2021-жылдын январь-апрель айларында Кумтөрдү эске албаганда ИДПнын реалдуу өсүшү 1,1%ды түзгөн. Ички керектөө салыштырмалуу орточо бойдон калган жана ал өлкөгө акча которуулардын агымы менен кармалууда. Январь-март айларында которулган акчанын таза агымы 22,4% га көбөйүп, 420 млн долларды түзгөн.

Керектөөчү товарларга жана кызмат көрсөтүүлөргө баанын өсүшү негизинен азык-түлүк товарларына (күн карама майы, эт жана шекер) жана күйүүчү-майлоочу майларга сакталууда. 2021-жылдын май айында (21-күнү) жылдык инфляция деңгээли 10,7%ды түзгөн.

«Дүйнөлүк базарларда жана ЕАЭБ өлкөлөрүндө азык-түлүк товарларына баанын көтөрүлүшүнүн негизги себеби – өлкөдөгү инфляциялык тобокелдиктердин сакталып калуусу болуп саналат», – деп белгиледи УБ.

Өлкөдөгү инфляциялык кысымды чектөө максатында УБ инфляциянын монетардык компонентин ооздуктоо боюнча чараларды көргөн. Көрүлгөн активдүү чаралар банк системасындагы ашыкча ликвиддүүлүктүн көлөмүн азайтууга жардам берүүдө.

Ошондой эле УБ кошумчалагандай, ушундан улам, банктар аралык кредит рыногунун катышуучулары кыска сегментте активдешүүдө. . Коммерциялык банктар өз ресурстук базасын түзүүнү жана экономикага кредит берүүнү көбөйтүүнү улантууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат