Кыргызстан менен АКШнын кызматташуу маселелери сүйлөшүлдү
20-ноябрда тышкы иштер министринин орун басары Медер Абакиров Кыргыз Республикасына жаңы дайындалган АКШнын элчиси Стивен Гилленден Ишеним грамотасынын көчүрмөлөрүн кабыл алды.
ТИМдин маалыматына ылайык, жолугушуунун жүрүшүндө эки тараптуу кызматташуунун актуалдуу маселелери боюнча кыскача пикир алмашуу болду.

Тагыраагы, соода-экономикалык байланыштарды мындан ары өнүктүрүүгө жана биргелешкен долбоорлорду илгерилетүүгө басым жасалды.
Жолугушуунун соңунда тараптар өз ара кызыкчылык туудурган ар түрдүү чөйрөлөрдө көп кырдуу кызматташтыкты мындан ары кеңейтүүгө берилгендигин ырасташты.
Күндүн негизги жаңылыктары — Telegram каналыбызда
Каналга катталуу