Монополияга каршы агенттиги күйүүчү-майлоочу материалдардын бааларын ооздуктоо боюнча иш алып барууда

Январь-май айларында ири мунай сатуучулардын май куюучу жайларында бензиндин жана дизелдик отундун чекене баасы тиешелүүлүгүнө жараша 42%га жана 28%га жогорулаган тенденциясын байкоого болот. Бул көрсөткүчтү Монополияга каршы жөнгө салуу мамлекеттик агенттиги Россиянын мунайды кайра иштетүүчү заводдорунун дүңүнөн сатуу бааларынын көтөрүлүшүнө байланыштырат.

«Учурда Монополияга каршы жөнгө салуу агенттиги өзүнүн ыйгарым укуктарынын алкагында КММга баалардын өсүшүн ооздуктап жана алардын бааларын сурап, рыноктогу кырдаалды талдоо жана сунуштарды берүү менен алектенүүдө. Нефтетрейдерлер тарабынан «Атаандаштык жөнүндө» мыйзамдын талаптары бузулган учурда департамент тиешелүү чараларды көрөт» – деп ишендирди МКМА.

Бир күн мурда, 31-майда мамлекеттик агенттик күйүүчү-майлоочу май базарындагы кырдаал боюнча кезектеги жыйынын өткөрдү. Жолугушууга Нефтетрейдерлер ассоциациясынын, Нефтетрейдерлер бирлигинин жетекчилери жана базардын ири өкүлдөрү келишти.

Жолугушуунун жыйынтыгында, баалардын көтөрүлүшү объективдүү болгонуна карабастан, мамлекеттик агенттик бир катар талаптарды койду:

• таза атаандаштыктын принцибин так сактоо
• запастарды эске алуу менен баанын деңгээлин камтыган куралды колдонуу жана чыгымдарды оптималдаштыруу

Ошондой эле күйүүчү-майлоочу майдын баасынын негизсиз көтөрүлүшүн алдын алуу боюнча жазуу жүзүндө сунуштама берилген.

Ведомстводон билдиргендей, июнь айындагы келишимдерге ылайык, май айына салыштырмалуу Россиянын мунайды кайра иштетүүчү заводдорунун дүң сатуу баасы тоннасына 65 долларга чейин жогорулагандыгын белгиледи. Учурда күйүүчү майдын ички рыноктогу наркын турукташтыруу жана баалардын көтөрүлүшүн алдын алуу үчүн Россиянын өкмөтү мунай заттарын үчүнчү өлкөлөргө экспорттоого убактылуу тыюу салууну караштырып жатат. Республика КММ менен толук камсыз болгон, тартыштык жок, деп кошумчалады Мамлекеттик монополияга каршы агенттик.

ЕАЭБ өлкөлөрүндө 31-майга карата күйүүчү-майлоочу материалдардын орточо баасы

(Улуттук банктын курсу менен)