ЕБ Баткендеги жабыр тарткан үй-бүлөлөргө 170 миң евро берет

Европа Биримдиги апрель айынын аягында Баткен аймагында болгон куралдуу жаңжалда жабыр тарткандарга гуманитардык жардам иретинде 170 миң евро бөлдү (17,5 млн сомго жакын). Бул тууралуу ЕБнин Кыргызстандагы өкүлчүлүгүнүн басма сөз кызматы билдирди.

Лейлек районун кошкондо, Баткен облусунун эң көп жабыркаган аймактарында кеминде 6 миң адамга жардам көрсөтүлөт.

ЕБ маалымдагандай, бөлүнгөн каражат Кыргызстандагы Кызыл Жарым Ай Коому аркылуу даректерге материалдык жардам түрүндө бөлүштүрүлөт жана бул жардам жабыр тарткан үй-бүлөлөрдүн чукул муктаждыктарын камсыз кылат. Ошондой эле, жабыркагандарга психологиялык колдоо көрсөтүлүп, авариялык турак-жай үчүн материалдар, аптечкалар, гигиена каражаттары жана үй буюмдары сыяктуу керектүү нерселер берилет.

Бул каражат ЕБтин Эл аралык Кызыл Крест жана Кызыл Жарым Ай Коомдорунун Федерациясынын (IFRC) табигый кырсыктардан жапа чеккендерге жардам берүү фондусуна (DREF) кошкон жалпы салымынын алкагында бөлүнүп жатат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды