Саясатчылар энергетиканын атын аеосуз камчылашты – министр
Отуз жылдан бери өлкөнүн энергетикасынын техникалык интеллигенция тобу, өздөрүнүн саясий максаттарын ишке ашыруу үчүн өлөйүн деген энергетиканын атын аеосуз камчылаган атка минерлерлерди момун баладай угуп, бардык каалоолорун тил алчаактык менен аткарып, туруктуу стресске кабылып, андан тышкары, эскирип, мөөнөтү өтүп бараткан материалдык жабдууларды иштөө абалында кармап келет.
Бул тууралуу Энергетика жана өнөр жай министри Кубанычбек Турдубаев бүгүн, 7-июнда «Кыргызстандын энергетикасы. Кечээ. Учурда. Келечекте» деген тегерек столдо билдирди дейт министрликтин маалымат кызматы.
Турдубаевдин айтымында, техникалык интеллигенция эч качан идеология чөйрөсүнө киришкен эмес. «Бул чоң ката экен. Өлкөнү, улутту башкарган улуттук идеяны кааласак же татыктуу максат койсок, анда аны техникалык интеллигенция аныкташы керек. Прагматиктер – экономиканын реалдуу секторунун адамдары», –деди министр.
«Биз кызмат кылышыбыз керек деп көнүп калганбыз, саясатчылардын эң акылга сыйбаган чечимдерине каршы үнүбүздү көтөрүүгө батынган жокпуз. Буга чекит коюуга убакыт келди. Биз өлкөнүн өнүгүүсүнүн векторун аныктап, артыкчылыктуу багыттарды белгилеп, жол көрсөтүүгө милдеттүүбүз. Мындай кырдаал Германияда, Японияда болгон, ал өлкөнү технократтар башкаргандыгынын натыйжасында урандылардан көтөрүлүп чыгышты», – деди ал.
