Бишкекте «Кыргыз темир жолунун» экс-директору кайра кармалды

«Кыргыз темир жолу» мамлекеттик ишканасынын мурдагы директору Василий Дашков кайрадан кармалды. Бул тууралуу Улуттук коопсуздук мамлекеттик комитетинин (УКМК) басма сөз кызматы билдирди.

Министрликтин маалыматы боюнча, 2020-жылдын май айынан декабрь айына чейин товардык-материалдык баалуулуктарды жеткирүү үчүн акы төлөөгө жамынып, Дашков жеке компанияларга мыйзамсыз түрдө 1.1 млрд сом чегерген.

«Бишкек шаарынын Биринчи Май райондук соту келтирилген зыяндын ордун толтуруу шарты менен Василий Дашковду үй камагына чыгарган болчу. Бирок бүгүнкү күнгө чейин ал аны төлөбөй келет», – деп белгиледи мамлекеттик комитет.

Мындан тышкары, сотко чейинки изилдөөнүн алкагында, экс-директордун «Кыргыз темир жолу» ишканасынан бюджеттик каражаттарды алуу боюнча кошумча фактылар аныкталган. 2021-жылдын январынан апрелине чейин мамлекеттик ишканадан 490 млн сомго жакын акча каражатын чыгарып кеткени маалым болду.

«Ошентип, келтирилген зыяндын жалпы суммасы болжол менен 1.5 млрд сомго барабар болууда. Бир күн мурда Дашков кармалып, УКМКнын убактылуу кармоочу жайына киргизилди», – деп  жыйынтыктады департамент.

Эске салсак, Дашков биринчи жолу 18-майда кармалган. Кийинчерээк «Кыргыз темир жолу» ишканасынын экс-директорунун уулу дагы мамлекеттик ишканадан 500 млн сом алып кетүүгө катышкан деп шектелгени белгилүү болду.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды