«Түндүк» системасына 68 коммерциялык уюм кошулду

«Түндүк» ведомстволор аралык электрондук өз ара аракеттенүү системасына 68 коммерциялык уюм жана 67 министрликтер менен ведомстволор кошулду. Бул тууралуу бүгүн, 10-июнда «Түндүк» мамлекеттик ишканасынын директорунун орун басары Азамат Буржуев билдирди.

Буржуевдин маалыматына ылайык, учурда системада 55 мамлекеттик орган жана 38 коммерциялык уюм маалымат алмашуу иштерин жүргүзүшөт.

Жалпысынан, мамлекеттик органдар тарабынан дагы, коммерциялык уюмдар тарабынан дагы «Түндүк» системасын колдонгондордун санынын өскөнү байкалууда. 2018-жылы мамлекеттик органдардын ортосунда маалымат алмашуу – 363 миң транзакцияны түзсө, ал эми мамлекеттик органдар менен коммерциялык уюмдардын ортосунда эч кандай маалымат алмашуу болгон эмес. 2020-жылы мамлекеттик органдардын ортосундагы маалымат алмашуу  – 69.4 млн, ал эми өкмөт менен коммерциялык уюмдар 1128 млн транзакцияга жетти.

2021-жылдын биринчи кварталында мамлекеттик органдардын өз ара байланышы 22.5 млн транзакцияны, ал эми мамлекеттик жана коммерциялык уюмдардын ортосунда 52.2 млн транзакцияны түзгөнүн директордун орун басары билдирди.

«Түндүктө» 782 кызмат жана 208 система катталган. Учурда бардык мамлекеттик органдар туташкан.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды