Дагы бир кургакчыл мезгил – Токтогул суу сактагычындагы суунун көлөмү дагы 2 млрд кубометрге азайды

Кыргызстанда кезектеги кургакчыл мезгил башталды. Бүгүнкү күндө Токтогул суу сактагычында 10.7 млрд кубометр суу бар. Бул өткөн жылдын ушул мезгилине салыштырмалуу 2.4 млрд кубометрге аз.

2020-жылдын 11-июнунда Токтогул суу сактагычындагы суунун көлөмү –13.1 млрд кубометр болсо, 2019-жылдын 11-июнунда 14.4 млрд кубометрди түзгөн. Бул жыл сайын суунун көлөмү азаюуда дегенди билдирет.

Белгилей кетсек, Кыргызстанда бир нече жылдан бери суунун жетишсиздиги көйгөйү уланып келет. Токтогулдагы суунун аздыгы –электр энергиясынын жетишсиздигине алып келип, өлкөнү коңшулардан карыз суроого аргасыз кылды. Ошентип КР Өзбекстан жана Казакстан менен электр энергиясын алмашуу жөнүндө келишим түздү. Мындан тышкары, Түркмөнстандан электр энергиясын тартып келүү боюнча да сүйлөшүүлөр жүрүп жатат.

Буга чейин президент, андан соң Энергетика министрлиги электр энергиясынын жаңы тарифтерин киргизүүнү сунуштап, алардын максатка ылайыктуулугун энергетика тармагынын миллиарддаган карыздары (129 млрд сом) жана жабдуулардын эскилиги (70%) менен түшүндүргөн. Кыргызстандыктардын көпчүлүгү бул демилгени терс кабыл алышкан болчу.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды