Кыргызстандын экономикасы 1.6%га төмөндөдү – өнөр жай жана курулуш солгундады
Ички дүң продукт (ИДП) 2021-жылдын январь-май айларында, алдын-ала баалоо боюнча, өткөн жылдын ушул мезгилине салыштырмалуу 1.6%га төмөндөө менен 215 млрд сомду түздү.
Өткөн жылдагы көрсөткүчтү эске алсак, (-4.8%), абал андан да жаман.
Улутстаткомдун маалыматына таянсак, «Кумтөр» кен казуу ишканаларын эсепке албаганда, ИДПнын көлөмү, өткөн жылдын январь-май айларынын деңгээлинен 3.5%га өсүү менен 192 млрд ашык сом өлчөмүндө түзүлдү.
ИДПнын өсүү темпинин төмөндөшү өндүрүштө, курулушта алардын кыскарышы менен шартталды. Муну менен бирге, товарларды өндүрүүчү тармактарынын өсүү темпи өткөн жылдын январь-майына салыштырмалуу 8.6%га төмөндөдү (2020-жылдын январь-майында 1.0% төмөндөѳ болгон).
Кызмат көрсөтүүчү тармактардын өсүү темпи 2020-жылдын январь-майына салыштырмалуу 4.1%га жогорулады (2020-жылдын январь-майында 8.3%га төмөндөѳ болгон).
