Бизнес-омбудсмен Робин Орд-Смит менен Акылбек Жапаров ишкерлердин абалын талкуулашты
Бүгүн, 15-июнда Кыргызстандын бизнес-омбудсмени Робин Орд-Смит менен министрлер кабинетинин төрагасынын орун басары – экономика жана каржы министри Акылбек Жапаровдун жолугушуусунда мамлекеттик органдардын иш-аракеттеринен улам келип чыккан ишкерлердин көйгөйлөрү талкууланды.
Бизнес-акыйкатчы институтунун басма сөз кызматы билдиргендей, тараптар ишкердик жүргүзгөн мекемелердин укуктарын коргоо жана колдоо маселелерин, ошондой эле мамлекеттик органдардын иш-аракеттерине жана чечимдерине ишкерлерден түшкөн арыздарды талкуулашты.
Ишкердик чөйрөдөгү даттанууларга негизделген маселелер, мыйзам чыгаруу демилгелери тууралуу сөз болуп, ишкердүүлүктү өнүктүрүү жана инвестициялык климатты жакшыртуу үчүн зарыл болгон реформалар талкууланды.
