Өкмөт бир катар кирешесиз мамлекеттик ишканаларды сатууну көздөөдө

Өкмөт бир катар натыйжасыз иштеген мамлекеттик ишканаларды аукционго коюуну көздөөдө. Бул тууралуу Улукбек Марипов мамлекеттик мүлктү башкаруу натыйжалуулугун жогорулатуу маселеси боюнча кеңешмеде билдиргенин өкмөттүн басма сөз кызматы маалымдайт.

Министрлер кабинетинин төрагасы белгилегендей, учурдагы социалдык-экономикалык кырдаал үчүн мамлекеттик мүлктү башкаруу жана тескөө чөйрөсүндөгү принциптерди жана артыкчылыктарды кайрадан карап чыгуу зарылдыгы келип чыгууда.

«Мамлекеттик ишканалардын негизги максаты – киреше алуу жана республикалык бюджетти толтуруу болуп эсептелет. Бирок иш жүзүндө көрүнүп тургандай, мамлекеттик ишканалардын көпчүлүгү чыгашалуу болуп саналат. Мамлекеттик мүлктү башкаруу тармагындагы абалга кеңири талдоо жүргүзүү керек», – деди Улукбек Марипов

«Жогорудагы талдоо даяр болоор замат, кайсы ишкана өлкө экономикасы үчүн натыйжасыз экендиги белгилүү болот, алар аукционго коюлушу керек, ошол эле учурда мүлктү сатуу процесси ачык-айкын болушу кажет», – деп жыйынтыктады Министрлер Кабинетинин башчысы.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда