Садыр Жапаров «Кумтөргө» барды – тышкы башкаруу киргизилгенден кийин 40 млн долларлык алтын сатылган

Президент Садыр Жапаров кечээ 15-июнда Кумтөр кенинин ишмердиги менен таанышты жана бул анын ишканага убактылуу тышкы башкаруу киргизилгенден кийинки биринчи сапары болгондугун мамлекет башчынын маалымат кызматы билдирди.

«Кумтөр Голд Компани» ЖАКынын басма сөз кызматы билдиргендей, Жапаровго кендин үзгүлтүксүз режимде иштеп жаткандыгын, тышкы менеджменттин киргизилиши жумушчулар тарабынан түшүнүү менен кабыл алынгандыгын, кызматкерлерге эмгек акылары өз убагында жана толук көлөмдө төлөнүп жаткандыгын, бардык төлөмдөр жана өлкөнүн бюджетине салыктар планга ылайык которулуп жаткандыгын маалымдашты.

Президент алтынды калыбына келтирүүчү фабриканы көрүп чыкты. Бир айга жетпеген убакыттын ичинде тышкы башкаруунун жүрүшүндө «Кумтөр Голд Компани» 44 миң унция алтын сатканы, натыйжада, дүң киреше 40 млн долларды түзгөнүн билдиришти.

Ошондой эле Садыр Жапаров карьерде болуп, тоо-кен иштерин жүргүзүүдө коопсуздук талаптарын сактоо зарылдыгын белгиледи.

 
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда