Эпидемиялык абалдын начарлашына байланыштуу кафе-ресторандар 23:00гө чейин гана иштейт
Бишкекте эпидемиологиялык абалдын начарлашына байланыштуу көңүл ачуучу жайлардын иштөө убактысын саат 23:00гө чейин чектөө чечими кабыл алынды. Чектөөлөр бүгүн 17-июнда күчүнө кирет.
Мындай чечим кечээ, 16-июнда шаардык эпидемияга каршы комиссиясынын отурумунда кабыл алынганын мэриянын басма сөз кызматы маалымдады.
Эми түнкү клубдар, ресторандар, коомдук тамактануу жайлары, кафелер, караоке жана барлар (анын ичинде соода жана көңүл ачуу борборлорунда жайгашкан) 7:00дөн 23:00гө чейин гана иштеши керек.
Чектөөлөр тамак-аш жеткирүү кызматын көрсөтүү жана азык-түлүк сатуу тармагында иштегендерге тиешеси жок.
Эпидемиологиялык кырдаал жакшырганга чейин аталган чектөөлөр күчүндө кала бермекчи.
