1-июлдан баштап Ош шаарында той, маараке жана коомдук иш-чараларга тыюу салынат

Назира Абдиева

18 июня 2021 16:37

Ош шаардык мэриясында коронавирустун жайылышын алдын алуу боюнча жыйын болуп өттү. Санитардык-эпидемиологиялык көзөмөл стандарттарын кармоо үчүн ресторандардын, тойканалардын, коомдук тамактануучу жайлардын жетекчилеринин жана администраторлорунун жоопкерчилигин жана санитардык эрежелердин сакталышын текшерүү боюнча иштерди күчөтүү маселелерине өзгөчө көңүл бурулду.

Белгиленгендей, 1-июлдан баштап түштүк борбордо той, маараке жана коомдук иш-чараларды өткөрүүгө тыюу салынат, буга байланыштуу ресторандардын, тойканалардын администраторлоруна 1-июлдан баштап коомдук иш-чараларга буйрутма албоо сунушталды.

Шаардын вице-мэри Эмил Шадыхановдун айтымында, санитардык нормаларды жана эрежелерди бузгандар мыйзам чегинде жооп беришет.

«Азыр биздин алдыбызда санитардык ченемдердин сакталышына көзөмөлдү күчөтүү милдети турат. Бул жарандар массалык чогулган жайларга тиешелүү. Жарандарды санитардык ченемдерди жана эрежелерди так сактоого, медициналык маска кийүүгө, колду дезинфекциялоого, социалдык аралыкты сактоого үндөө зарыл. Мындан тышкары, ар кандай массалык иш-чараларды өткөрүүдөн жана көп адамдар чогулган тамактануучу жайларга баруудан алыс болууну сунуштайбыз. Ош шаарында кырдаал татаалдашууда – күн сайын 100гө жакын жаңы инфекция учурлары аныкталып жатат. Санитардык ченемдерди аң-сезимдүү сактоо гана инфекциянын жайылышын токтотот», – деп түшүндүрдү вице-мэр.

Мындан тышкары окуңуз

Нарындагы “Тянь-Шань” паркы оңдолууда

Нарын шаарындагы “Тянь Шань” паркынын тосмосу жаңыртылып, тосула баштады. Бул тууралуу Нарын шаардык мэриясынан билдиришти. Паркты оңдоого республикалык дем берүүчү гранттан колдоо тапкан. Нарын шаардык мэриясынын долбооруна ылайык 145 метр жерге жаңы жасалгаланган тосмолор орнотулат. Нарын шаарынын мэри Жылдызбек Беккелдиев паркты тосуу иштеринин аткарылышын көрүп, ички инфраструктурасын жакшыртуу боюнча долбоор

ИИМ анча тааныш эмес адамдар менен байланышууда этият болууга чакырат

КРнын ИИМи жарандарды ар кандай кызматтарды, анын ичинде чет өлкөдөн автоунаа алып берүү, каржылык операцияларга ортомчулук кылуу, жумушка орноштуруу жана акча каражаттарын өткөрүп берүү менен байланышкан башка кызматтарды сунуштаган анча тааныш эмес адамдар менен байланышууда этият болууга чакырат. Маалыматтарга ылайык, акыркы убакта шылуундар жарандардын ишенимине кирип, ар кандай шылтоолор менен

Бакыт Төрөбаев Ош шаарындагы өндүрүштүк аймактарды текшерди

7-июлда президенттин өзгөчө тапшырмалар боюнча атайын өкүлү Бакыт Төрөбаев Ош шаарына иш сапары менен келди. Иш сапардын жүрүшүндө Ош шаарынын мэри Жанарбек Акаев менен бирге шаардын аймагында курулуп жаткан ири өнөр жай долбоорлорунун жүрүшү менен таанышышты. Бул тууралуу Ош шаардык мэриясынан билдиришти. Маалыматка ылайык, алгач “Агро өнөр жай комплекси”

Бишкектеги көйгөйлүү курулуштар жеринен текшерилди

Бишкек шаарынын мэри Айбек Джунушалиев укук коргоо органдарынын жана тиешелүү мамлекеттик мекемелердин өкүлдөрү менен биргеликте курулушу аяктай элек көйгөйлүү объектилерди кыдырып, үлүштүк ээлери менен жолугушту. Мэриянын маалыматына ылайык, көчмө жыйын Президенттин укук коргоо органдарынын ишмердүүлүгүн координациялоону күчөтүү боюнча тапшырмасынын алкагында өткөрүлдү. Ага Бишкек шаарынын прокурору Канат Насипов, УКМКнын, Бишкек ШИИББдин,