КММ кымбаттап жатат – Кыргызстан бензиндин арзан баасы боюнча дүйнөлүк рейтингде 9 позицияга төмөндөдү

176 өлкөдөгү күйүүчү майга болгон бааны Global Petrol Articles аналитикалык ресурсу байкап турат. Алардын 14-июндагы маалыматы боюнча, дүйнө жүзү боюнча 1 литр бензиндин орточо баасы 1.18 долларды түзөт.

Рейтингге ылайык, эң арзан бензин Венесуэлада – ал 0.02 доллар, ал эми эң кымбаты Гонконгдо – 2.505 доллар турат.

Жыл башында Кыргызстан рейтингде 11-орунду ээлесе, март айындагы рейтингде 15-орунга түшүп кеткен. 14-июнга карата жаңыланган маалыматтар боюнча, Кыргызстан 24-орунга түштү.

Коңшулардын арасында Казакстан менен Түркмөнстан тизмеде алдыңкы орунда турат. Россия болсо 26-орунда.

Белгилей кетсек, Кыргызстанда күйүүчү-майлоочу майдын баасы өсүп жатат. Жыл башында АИ-92 үлгүсүндөгү бензиндин бир литри 35 сом, дизелдик отун 35.6 сом, ал эми суюлтулган газ 20.5 сомду түзгөн.

18-июнга карата, борбор калаадагы май куюучу жайларда АИ-92 бензининин орточо баасы 51 сомго чейин көтөрүлдү. Май куюучу жайларда дизелдик отундун орточо баасы 46.45 сом, суюлтулган газ 26.15 сомдун тегерегинде болууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда