Пакистан Кыргызстандын портторго чыгуусуна көмөк көрсөтүүгө даяр

Пакистан Кыргызстандын Карачидеги жана Гвадардагы деңиз портторуна чыгуусун камсыз кылууга даяр. Бул тууралуу КРнын Тышкы иштер министри Руслан Казакбаев менен жолугушууда пакистандык кесиптеши Макдум Шах Махмуд Хусейн Куреши билдирди. Тышкы иштер министрлеринин жолугушуусу 18-июнда Анталия Дипломатиялык форумунун алкагында өткөнүн министрликтин маалымат кызматы билдирет.

Ошондой эле Пакистандын Тышкы иштер министри Пакистан, Кытай, Кыргызстан жана Казакстандын транзиттик жүк ташуу боюнча төрт тараптуу келишимин жандандыруу зарылдыгын белгиледи.

Тышкы иштер министрлери эки тараптуу кызматташтыкты, ведомстволор аралык үзгүлтүксүз саясий консультацияларды өткөрүү жана расмий сапарларды уюштуруу маселелерин да талкуулашты.

Эки мамлекеттин потенциалына дал келбеген соода-экономикалык кызматташтыктын деңгээлине токтолуп, Казакбаев ушул жылы өкмөттөр аралык комиссиянын кезектеги жыйынын өткөрүүнү сунуштады. Мындан тышкары, ал КРнын медициналык университеттерин Пакистандын медициналык комиссиясынын «кара тизмесинен» чыгарып салуу маселеси тез арада чечилет деген үмүтүн билдирди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды

Кыргызстанда 82 миң гектар аянттагы сугат кызматтарынын сапаты жакшыртылат

Өлкөдө онлайн кумар оюндарын өткөрүүгө шектүүлөр кармалды

Бишкекте дарыланып жаткан балдардын ата-энелери үчүн пансион курулууда