Кыргызстанда күйүүчү май барган сайын кымбаттоодо – баалар 2020-жылга салыштырмалуу бир жарым эсеге кымбаттады
КММдын баасы Кыргызстанда кымбаттап жатат. АИ-92 бензининин баасы орточо эсеп менен 53.32 сомду түздү жана бул былтыркы жылдын ушул мезгилине салыштырмалуу 1.6 эсеге өскөн. Бул тууралуу Улутстатком билдирет.
Ал эми дизелдик отундун баасынын 1 литри 48.11 сомду түздү жана дээрлик 1.4 эсеге өстү.
АИ-92 бензинине чекене баалар орточо республикалык көрсөткүчтөн жогору болуп Исфана (1 литри 57.75 сом), Баткен (57.12 сом), жана Ноокат (56.10) шаарларында түзүлдү, ал эми аларга карата минималдуу баалар Токмок (51.46 сом), Нарын (51.63 сом), жана Талас (51.69 сом) шаарларында катталды.
Бензиндин баасынын кыйла өсүшү Покровка айылында жана Жалал-Абад шаарында 75.3%га, ошондой эле Токмок шаарында 73.6%га катталган.
Дизелдик отунга болгон баалардын 2020-жылдын июль айына салыштырмалуу эң жогору Покровка айылында 43.3%га, Ноокат шаарында 49.9%га жана Талас шаарында 45.7%га өскөнү катталды.
