Энергетика министрлиги өнөр жай ишканалары үчүн электр энергиясынын жаңы сунушталган тарифтерин кайра карап чыгуу боюнча бизнес өкүлдөрүнүн өтүнүчүнө комментарий берди.

Электр энергиясына 2021-2025-жылдарга карата жаңы орто мөөнөттүү тарифтик саясаттын долбоорунда (ОМТС) энергияны көп талап кылуучу өнөр жай керектөөчүлөрүн (майнинг ишканалары, алтынды кайра иштетүүчү фабрикалар, куюучу заводдор, эритүүчү жана алкоголдук ичимдиктерди чыгаруучу ишканалар) өзүнчө топко бөлүп каралган.

Алар үчүн электр энергиясынын тарифин 2.0 көбөйтүүчү коэффициентти колдонуу менен, өнөр жай керектөөчүлөрү үчүн 2.52 сом кВт/саат (салыктарды эске албаганда) тарифин коюу сунушталууда. Керектөөчүлөрдүн бул категориясы үчүн жалпы тариф 5.04 сом кВт/с болот (салыктарды эске албаганда).

Сунушталган 5.04 сом кВт/саат тарифи Бишкек ЖЭБинде 2020-жылга карата электр энергиясын өндүрүүнүн наркына туура келет, эгерде аны керектөөчүгө жеткирүүнү эске алганда (340.3 тыйын ЖЭБде өндүрүүнүн наркы + 27.4 тыйын + бөлүштүрүүнүн наркы 50.1 тыйын + чыгымдардын баасы 58.3 тыйын), ал эми 2020-жылга инфляциянын иш жүзүндөгү деңгээлине түзөтүүлөрдү эске алганда – ​​6.3% болот деп айтылат билдирүүдө.

Цемент продукциясын өндүргөн ишканалар үчүн көбөйтүү коэффициентинин өлчөмү 1.3 болуп, ал эми тариф кВтс үчүн 3.28 сомду (салыктарды эске албаганда) түзөт.

Анын себептеринин бири 2021-жылы 3 млрд кВт/ саатка чейин жеткен электр энергиясынын жетишсиздиги болуп эсептелет. Бул суу аз мезгилдин кийинки циклине, суу сактагычтагы суунун деңгээлинин төмөндөшүнө, ошондой эле электр энергиясын керектөөнүн жыл сайын өсүшүнө байланыштуу деп айтылат түшүндүрмөдө.

Электр энергиясына болгон талапты канааттандыруу үчүн чаралар көрүлүүдө, анын ичинде коңшу өлкөлөрдөн (Казакстан, Өзбекстан) электр энергиясын импорттоо, Бишкек ЖЭБинде электр энергиясын өндүрүүнү көбөйтүү, бул кошумча чыгымдарды талап кылат. Энергияны көп талап кылуучу керектөөчүлөрдүн айрым категориялары үчүн керектүү чыгымдарды жабуу үчүн 2021-жылдан тартып электр энергиясына тарифтерди жогорулатуу сунушталууда.

Министрлик бул керектөөчүлөрдүн продукцияларынын баасы жыл сайын өсүп жатканын белгиледи. Бирок алар үчүн электр энергиясынын тарифи 2014-жылдан бери өзгөрүүсүз калган.