Ош – Баткен – Исфана жолун ремонттоого ата мекендик компанияларды тартуу тапшырылды

Ош – Баткен – Исфана жолун ремонттоого ата мекендик компанияларды тартуу тапшырылды. Бул тууралуу Министрлер кабинетинин төрагасы Акылбек Жапаров Баткен облусуна жумушчу сапарынын жүрүшүндө Ош – Баткен – Исфана жолунун (28-75км) реабилитациялоо иштеринин жүрүшү менен таанышуу учурунда айтты.

Аталган объектинин курулушунун донору Япония эл аралык кызматташтык агенттиги (JICA) болуп саналат. Жолду реабилитациялоо долбоорунун наркы 133.58 млн долларды түзөт, анын 50 млн доллары 28-75-чакырым жолду курууга жумшалат.

Белгилей кетсек, кредиттин калган бөлүгү жумшалуучу долбоорду ишке ашыруунун экинчи компоненти катары Бишкек – Ош жолунда жаратылыш кырсыктарынын алдын алуу (таш кулоодон коргоочу курулушту куруу, көчкүдөн сактоочу дубалдарды куруу, тоннелдерди жана көпүрөлөрдү куруу) болуп саналат. 

«Учурда тендердик документтер даярдалууда. Долбоор эл аралык стандарттарга ылайык ишке ашырылат. Тендерди жакын арада жарыялоо зарыл, ал эми долбоорду ишке ашырууга ата мекендик компаниялар да тартылышы керек. Келечекте жергиликтүү компаниялар чет элдик компаниялар менен аттаандашуу үчүн тажрыйба топтоп, заманбап техгологияларды жана аларды пайдаланууну үйрөнүшү керек», – деди Жапаров.

Кошумча окуңуз: Жолдорго берилген тышкы насыялар. 18 жылдын ичинде алынган 2.68 млрд доллар каякка сарпталды?

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды

Ошто 300 орундуу жаңы бала бакча ачылды