Бишкекте лицензиясыз валюта алмаштырган эки жаранга айып пул салынды
Бишкек шаарында Улуттук банктын лицензиясы жок накталай чет өлкө валютасын алмаштыруу операцияларын жүргүзгөн эки Кыргызстандын жаранына административдик айып пул салынды. Бул тууралуу Улуттук банк кабарлады.
Маалыматка ылайык, мыйзам бузган Ч.Д.А. жана Д.Б.К. аттуу жарандардын ар бирине 17 500 сомдон айып пул чегерилди.
Эске салсак, накталай чет өлкө валютасын алмаштыруу операцияларын жүргүзүү үчүн Улуттук банктын тиешелүү лицензиясы болушу керек.
Күндүн негизги жаңылыктары — Telegram каналыбызда
Каналга катталуу