Шарджадан «Ош» аэропортуна биринчи каттам конду

Бүгүн, 21-февральда «Ош» эл аралык аэропортунда «Шарджа – Ош – Шарджа» багыты боюнча биринчи каттам конду. Бул тууралуу «Манас» эл аралык аэропортунун маалымат кызматы кабарлады.

  • Каттамдар Air Arabia (БАЭ) авиакомпаниясы тарабынан 2022-жылдын 21-февралынан 3-мартына чейин дүйшөмбү жана ишемби күндөрү аткарылат. Ал эми 3-марттан тарта каттамдардын саны жумасына 3 жолу: дүйшөмбү, шаршемби жана ишемби күндөрү аткарылмакчы. Болжолдуу учуу убактысы 3.5-4 саатты түзөт.

Учакты салтка айланган адат боюнча суу аркасы менен тосуп алышты. Ош шаарынан Шарджага биринчи каттам менен 164 жүргүнчү учуп кетсе, 10 адам учуп келген.

«Бүгүн маанилүү күндөрдүн бири. «Шарджа-Ош-Шарджа» багыты боюнча биринчи жолу каттам ачып жатабыз. Түз авиакаттамдардын ачылышы эки өлкөнүн ортосундагы кызматташууну кеңейтип, мамлекеттин жана жалпы авиация тармагынын өнүгүшүнө өбөлгө түзөт», – деп билдирди «МЭА» ААК Башкармалыгынын төрагасы Бакыт Шаршеев.

Анын айтымында, бүгүнкү күндө «Ош» эл аралык аэропортунан РФнын бир канча шаарларына түз үзгүлтүксүз авиакаттамдар бар. Ошондой эле, акыркы эки жылда Турция жана Кувейтке да аба каттамдары ачылган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды

Ошто 300 орундуу жаңы бала бакча ачылды