КР Казакстандан автотранспорт техникаларын алууну карап жатат

Автоунаа тармагындагы кызматташуунун алкагында кыргыз тарап казактардан автотранспорт техникаларын сатып алуу жана лизингге алуу маселесин кароодо. Бул тууралуу казак өкмөтүнүн маалымат кызматы кабарлады.

Министрлер кабинетинин төрагасы Акылбек Жапаров жана Казакстандын премьер-министри Алихан Смаилов Нур-Султан шаарында Евразиялык өкмөттөр аралык кеңешинин кезектеги жыйынынын алкагында эки тараптуу жолугушуу өткөрүшкөн.

Аталган жолугушууда кыргыз тарап автотранспорт техникаларын сатып алуу жана лизингге алуу маселесин карап жатканын жана учурда техникалык маселелер иштелип жатканын айткан. 

Ошондой эле казак өкмөтүнүн маалымат кызматы жолугушууда суу жана энергетикалык кызматташуу тууралуу тараптар транс-чек аралык дарыялардын агымы боюнча Сырдарыя, Чу жана Талас дарыяларынын бассейндериндеги суунун жетишсиздигинин терс кесепеттерин жоюуга мүмкүн болгон маселелер чечилгенин билдирди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды

Ошто 300 орундуу жаңы бала бакча ачылды