«РСК Банк» жана «КЫРГЫЗСТАН Банкы» Visa жана Mastercard карталары кадимкидей иштеп жатканын маалымдады

Эл аралык Visa жана Mastercard төлөм компаниялары «РСК Банкына» карталар кадимкидей эле иштей берерин расмий тастыкташты. «Коммерциялык банк КЫРГЫЗСТАН» да үзгүлтүксүз иштеп жатканын жарыялады. Бул тууралуу Банктар биримдигинин басма сөз кызматы билдирди.

Берилген маалыматка ылайык, Кыргызстандын аймагында чыгарылган карталар өчүрүлбөйт жана карта менен операциялар үзгүлтүксүз жүргүзүлөт.

«Белгилей кетүүчү нерсе, «РСК Банктын» Visa жана Mastercard карталары дүйнөнүн бардык өлкөлөрүндө тейленет. Бул карталар учурда Россияга карата санкциялардан улам РФнын аймагында гана иштебейт. Ошондой эле, орус сайттарында онлайн сатып алуу жеткиликтүү болбой жатат», – деп айтылат билдирүүдө.

«Коммерциялык банк КЫРГЫЗСТАН» да карта менен жасалчу накталай эмес төлөмдөр, акча каражаттарын алуу жана которуулар сыяктуу операциялар жеткиликтүү экенин, бирок россиялык сайттардан онлайт сатып алууда маселе бар экенин билдирди.

«Белгилей кетүүчү нерсе, РФнын процессингине карата VISA тарабынан чектөө киргизилсе, биздин банк тарабынан чыгарылган VISA карталары банктын инфраструктурасында кадимки режимде иштешин улантат жана тейлене берет», – деп айтылат билдирүүдө.

Ошол эле учурда Visa жана Mastercard карталарынан тышкары, «РСК Банк» «Элкарт» улуттук төлөм картасын даярдап чыгарып жана тейлей тургандыгын эске салат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Бишкекте лицензиясыз валюта алмаштырган эки жаранга айып пул салынды

Ошто 300 орундуу жаңы бала бакча ачылды

Президенттик шайлоодо 33 өлкөдө 74 шайлоо тилкеси ачылат

Араван районунда 112 млн сомдук мектеп курулууда

Нарын менен Ошто жер силкинди