КР кубаттуулугу 100 МВт күн электр станциясынын пилоттук долбоорун ишке ашырууга кызыкдар

Назира Абдиева

КР кубаттуулугу 100 МВт күн электр станциясынын пилоттук долбоорун ишке ашырууга кызыкдар

Кыргызстан IFC жардамы менен кубаттуулугу 100 МВт күн электр станциясын куруу боюнча пилоттук долбоорду ишке ашырууга кызыкдар. Бул тууралуу Министрлер кабинетинин төрагасынын орун басары Азиз Аалиев Мунир Ферози жетектеген Эл аралык каржы корпорациясынын (IFC) делегациясы менен жолугушуу учурунда билдирди.

Мунир Ферози Жакынкы Чыгышта, Борбордук Азияда, Түркияда, Афганистанда жана Пакистанда мамлекеттик-жеке өнөктөштүк боюнча консультациялык кызматтар боюнча аймактык менеджер кызматында иш алпарат.

Жолугушуунун жүрүшүндө кызматташуунун актуалдуу маселелери, анын ичинде мамлекеттик-жеке өнөктөштүк форматында энергетика тармагындагы долбоорлорду иштеп чыгуу маселеси талкууланды.

Азиз Аалиев белгилегендей, КР энергиянын кайра жаралуучу булактары тармагындагы долбоорлорду өнүктүрүүгө умтулат жана IFC жардамы менен кубаттуулугу 100 МВт күн электр станциясын куруу боюнча пилоттук долбоорду ишке ашырууга кызыкдар экендигин белгиледи. Анын айтымында, энергиянын кайра жаралуучу булактарын ишке киргизүүдөгү кошуна мамлекеттердеги ийгиликтүү долбоорлордун оңдуу тажрыйбасын колдонуу маанилүү.

IFC өкүлү Мунир Ферози энергетика тармагындагы долбоорлорду ишке ашырууда мындан ары карай кызматташууга даяр экенин билдирди. Жолугушуунун жыйынтыгында тараптар мындан аркы маселелерди иштеп чыгуу боюнча жумушчу топ түзүүнү макулдашты.

Жаңылыктар биздин Телеграмм каналда

Мындан тышкары окуңуз

Экономика министрлиги банктык аманаттарды коргоону күчөтүүнү сунуштоодо

Экономика министрлиги банктык аманаттарды коргоону күчөтүүнү сунуштоодо

Экономика жана коммерция министрлиги жарандардын банктык аманаттарын коргоону күчөтүүнү сунуштап жатат. Бүгүнкү күндө мамлекет миллион сомго чейинки өлчөмдөгү аманаттарды төлөп берүүгө кепилдик берет. Бул максатта 2008-жылдан бери аманаттарды коргоо фонду иштеп келет, ага банктар жыл сайын аманаттардын көлөмүнүн 0,2%га барабар суммасын которуп турууга тийиш. Бирок бир нече
Президенттик шайлоодо талапкерлердин документтерин текшерүү тартиби бекитилди

Президенттик шайлоодо талапкерлердин документтерин текшерүү тартиби бекитилди

Борбордук шайлоо комиссиясынын жыйынында президенттикшайлоодо талапкерлер тарабынан берилген шайлоо документтерин кабыл алуу жана текшерүү тартиби жөнүндө жобо бекитилди. Бул тууралуу БШКдан билдиришти. Маалыматка ылайык, аталган жобо шайлоо процессинин ачыктыгын камсыз кылып, талапкерлер үчүн бирдей шарттарды түзөт жана шайлоо документтерин кабыл алуу жана алардын мыйзам талаптарына шайкештигин текшерүүнүн так тартибин аныктайт.
Дүйнөлүк көчмөндөр оюндарында энергетиктер күчөтүлгөн тартипте иштейт

Дүйнөлүк көчмөндөр оюндарында энергетиктер күчөтүлгөн тартипте иштейт

Дүйнөлүк көчмөндөр оюндары өтүп жаткан мезгилде энергетиктер ишин күчөтүлгөн тартипте жүргүзүп, иш-чара өтүүчү бардык объектилерди жана аянтчаларды ишенимдүү жана үзгүлтүксүз электр энергиясы менен камсыз кылат. Бул тууралуу Ысык-Көл электр тармактар ишканасынан билдиришти. Маалыматка ылайык, оюндардын объектилерин электр энергиясы менен камсыз кылган негизги көмөк чордондордо адистердин кошумча нөөмөтү уюштурулат.
Караколдо кафелерде жашы жете электердин укуктары бузулуп, ашыкча иштеп келишкен

Караколдо кафелерде жашы жете электердин укуктары бузулуп, ашыкча иштеп келишкен

Караколдо коомдук тамактануучу жайларда иштеген 15–17 жаштагы өспүрүмдөрдүн эмгек укуктары бузулган фактылар аныкталды. Бул тууралуу Акыйкатчы институтунун Ысык-Көл облусундагы өкүлчүлүгү билдирди. Маалыматка ылайык, адистер кафе-ресторандарда иштеген жашы жете электердин эмгек шарттарына мониторинг жүргүзүп, эмгек келишимдерин текшерип, өспүрүмдөр арасында жашыруун сурамжылоо өткөрүшкөн. Өспүрүмдөр тейлөөчү жана музыкант болуп иштешкен.