Украинадагы согуш: Россиянын IT-компаниялары Кыргызстанда каттала баштаганы байкалууда
Россиянын Украинага баскынынан улам көптөгөн орус адистери (негизинен IT тармагындагылар) өлкөдөн чыгып кетишкен. Санкциялардан улам – аба чек аралары жабылып, визанын токтотулушу менен алар Армения жана Грузия сыяктуу өлкөлөрдү тандашууда. Ошондой эле бул тизмеге Кыргызстан да кирип калды.
Ошол эле учурда релокацияны жарандар эмес, фирмалар дагы ойлонушууда. «Сенти» каржы компаниясынын директору Мээрим Аскарбекованын айтымында, Кыргызстанга россиялык IT адистердин келгени азыртадан эле байкалууда.
«Биздин компанияга IT тармагындагы адистерден компанияларды каттоо үчүн юридикалык кызматтарды алууга кайрылуулар келип түшүүдө. Алар менен бирге биз инвесторлордун агымын күтүүдөбүз», – деди ал 16-мартта өткөн «Перезагрузка 2022» деп аталган антикризистик форумда.
