Соода жана кызмат түйүндөрү кандай ККМди колдонуш керек? – бир катар ченемдер иштелип чыкты
Министрлер кабинетинин токтому менен контролдук-кассалык машиналарды (ККМ) колдонуу боюнча бир катар ченемдер кабыл алынганын МСКнын маалымат кызматы кабарлады.
Министрлер Кабинетинин токтомун ишке ашыруунун алкагында Салык кызматынын маалыматтык системасында катталган ККМдер 2022-жылдын 1-январынан тартып, техникалык талаптарды сактоо жол-жобосунан өтпөстөн субъекттер тарабынан колдонулууга жатат.
Мында аппараттык ККМдин маалыматтары субъектке же андан кийин субъектке сатуу үчүн башка жакка сатууга чейин техникалык талаптарга ылайык жол-жоболордон өтүүгө тийиш.
- 2022-жылдын 1-майынан тартып Фискалдык модуль менен иштөө функциясы бар ККМге карата жаңы техникалык талаптарга жооп бербеген ККМ каттоодон өткөрүлбөйт
- 2022-жылдын 1-августунан тартып МСКга берилген кассалык чектерде милдеттүү тартипте товарлардын идентификациялоочу каражаттарынын коддору (товарларды маркалоо) чагылдырылууга тийиш
- мурда МСКнын системаларында катталган ККМди колдонуучу субъекттер 2022-жылдын 31-декабрына чейин аларды колдонууга укуктуу
- алдын ала төлөө (аванс) жана кийин төлөө (кредит) сыяктуу эсептешүүнүн түрлөрү менен кассалык эсептешүү операцияларын аткаруу боюнча субъектке жана ККМге карата талаптар 2023-жылдын 1-январынан тартып күчүнө кирет
Мындан тышкары, соода (вендинг) автоматтарында жана кызмат көрсөтүү автоматтарында автоматтык окууга жарактуу кагаз түрүндө жана/же электрондук түрдө контролдук-кассалык чекти түзүү жана берүү мүмкүнчүлүгү бар ККМ орнотулушу керек.
Ошондой эле сатып алуучуга (кардарга) контролдук-кассалык чекти бербестен субъекттин ишин автоматташтырууга арналган программалык камсыздоону жана/же программалык-аппараттык комплекстерди колдонуу менен басылып чыккан товардык чектерди берүүгө тыюу салынат.
