Кыргызстан «Асман» шаарын куруу боюнча Корея менен кызматташууга кызыкдар

Кыргызстан «Асман» шаарын куруу боюнча Корея менен кызматташууга кызыкдар. Бул тууралуу бүгүн, 9-июнда, Жогорку Кеңештин төрагасы Талант Мамытов Түштүк Кореянын Улуттук ассамблеясынын Экология жана эмгек маселелери боюнча комитетинин төрагасы Пак Дэ Чуль, ошондой эле Түштүк Кореянын Кыргызстандагы элчиси Ли Вон Джэ менен жолугушуусунда айтылды.

Мамытов Кыргызстан Корея менен кызматташууну өнүктүрүүгө өзгөчө маани берерин жана аны Азия регионунда маанилүү өнөктөштөрдүн бири катары карай турганын белгиледи.

«Бул багытта суу ресурстары тармагын, өзгөчө суу менен камсыздоону жакшыртуу, ошондой эле Ысык-Көлдө экологиясы таза «Асман» шаарын куруу жана кичи ГЭСтерди өнүктүрүү боюнча биргелешкен долбоорлорду ишке ашырууну баса белгилегим келет», – деп кошумчалады Мамытов.

Ал эми Пак Дэ Чуль Түштүк Корея Кыргызстан менен кызматташууга, анын ичинде соода, инвестиция жана туризм тармагында биргелешкен долбоорлорду ишке ашырууга өзгөчө маани берерин белгиледи. Ошондой эле Мамытов тарабынан сунушталган демилгелерди иштеп чыгуу жана кыргыз-корей мамилелерин жаңы деңгээлге көтөрүү үчүн бардык күч-аракетин жумшай турганын билдирди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто электр жарыгын үнөмдөө үчүн чектөөлөр киргизилиши мүмкүн

4 жылда Кыргыз-Түркмөн ортосундагы соода жүгүртүүнүн көлөмү 1,8 эсеге өскөн

Чынгыз Эсенгул уулу маданият министринин биринчи орун басары болду

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт