Кыргызстандын соода жүгүртүүсүндө Россиянын үлүшү 31.6% түзөт – ЭКМ министри Данияр Амангелдиев
Россия Кыргызстандын негизги соода өнөктөштөрүнүн бири жана соода көлөмү боюнча биринчи орунда турат. Бул тууралуу тогузунчу кыргыз-орус аймактар аралык конференциясынын пленардык жыйынында КР Экономика жана коммерция министри Данияр Амангелдиев билдирди.
«Бүгүнкү күндө КР Россиянын 81 субъекти менен тыгыз байланышта. 40тан ашык келишимге кол коюлган, анын ичинде соода-экономикалык, илимий-техникалык жана маданий-гуманитардык чөйрөлөрдө кызматташуу боюнча келишимдер бар. Ошондой эле аймактар ортосунда дос жана боордош мамиле орнотуу боюнча 10дон ашык макулдашуу иштейт.
Бүгүн, 9-кыргыз-орус аймактар аралык конференциянын алкагында дагы бир катар келишимдерге кол коюу пландалууда… Кыргызстандын соода жүгүртүүсүндөгү Россиянын үлүшү 2021-жылы 31.6%ды, анын ичинде экспортто – 24.9% жана импортто – 33.6% түздү», – деди министр.
