Чүй облусунун суу сактагычтарындагы топтолгон суу быйыл 36%га көп
2026-жылдагы сугат мезгилине даярдык Чүй облусунда пландуу жүрүп жатканын 2025-жылдын жыйынтыгы боюнча өткөн коллегияда Санжар Жантаев билдирди.
Анын айтымында:
- Облус аймагында жалпы көлөмү 253,145 млн куб метрди түзгөн 269 суу сактагыч бар.
- Азыркы учурда 168,81 млн куб метр суу топтолгон.
- Келерки сезондо айдоо аянты 418 миң 764 гектарды түзөт, анын ичинен 269 миң 698 гектары сугат жерлер.
- Сугат үчүн 850 млн куб метр суу берүү пландалууда. Бул өткөн жылга салыштырмалуу 36%га көп.
Сугат тармактарын оңдоо жана калыбына келтирүү иштерине мамлекеттик бюджеттен 120 млн сом бөлүнгөн. Анын алкагында:
- 231,5 чакырым канал оңдолот;
- 609 чакырым суу агызуучу каналдар тазаланат;
- 579 гидротехникалык курулуш оңдолот;
- 740 чакырым чарбалар аралык канал кол менен тазаланат.
Мындан тышкары, тамчылатып жана жаадырып сугаруу системаларын киргизүү улантылат. Дыйкандарды суу үнөмдөөчү жаңы технологияларга окутуу иштери жүрөт. Сугатка электрондук кезек системасы киргизилип, Ысык-Ата районунда суткалык жөнгө салуучу бассейн куруу пландалууда.
