Туризм бизнеси өлкөнүн бюджетин 338 млн сомго толуктады
Жыл башынан бери туризм тармагында иш алып барган бизнес Кыргызстандын бюджетин 338 млн сомго толуктады. Бул тууралуу бүгүн, 22-июлда, Туризм департаментинин директорунун орун басары Кыял Кенжематова билдирди, деп маалымдайт 24.kg.
Анын айтымында, былтыр пандемиянын кесепеттеринен улам туристтер аз келген, көптөгөн объектилер иштеген эмес. Быйыл болсо туризм тармагында өсүү жана пандемияга чейинки көрсөткүчтөрдүн калыбына келиши байкалууда. 15-августтан кийин жыйынтыктар белгилүү болот.
«Азыр өсүш байкалып жатат. Эгерде 2021-жылдын биринчи жарым жылдыгында туризм тармагы бюджетке 231 млн 110 миң сом салык төлөсө, быйыл ушул эле мезгилде 338 млн 175 миң сом түштү», – деди Кенжематова.
