Былтыр Бала-Саруу ГЭСи 81,5 млн кВт/саат электр энергиясын өндүргөн

Бала-Саруу кичи ГЭСи 2025-жылдын жыйынтыгы боюнча 81,5 млн кВт/саат электр энергиясын өндүрдү. Бүгүнкү күндө пландалган 1,7 млн кВт/сааттын ордуна 2,15 млн кВт/саат өндүрүлүп, план 24%га ашык аткарылды. Бул көрсөткүч станциянын жабдууларынын жогорку даярдык деңгээлин жана персоналдын тынымсыз эмгегин көрсөтөт. Бул тууралуу Энрегетика министрлигинен билдиришти.

Учурда кубаттуулугу 5 МВт болгон бир гидроагрегат иштеп жатат. Сугат мезгили башталганда үч гидроагрегат тең толук ишке кирип, электр энергиясынын көлөмү кыйла көбөйөт.

Бала-Саруу кичи ГЭСи аймактын энергетикалык коопсуздугун камсыздоого жана туруктуу өнүгүүсүнө салым кошууну улантууда. Станция 2024-жылдын май айында пайдаланууга берилген, Киров суу сактагычында, Талас облусунда жайгашкан. Орнотулган кубаттуулугу — 25 МВт.