КРдан Өзбекстанга өтүп бараткан 9 млн сомдук контрабандалык дары-дармек кармалды
«Оперативдүү» бажысы УКМКнын Чек ара кызматынын кызматкерлери менен биргеликте Баткен облусунун Кадамжай районундагы Жаңы-Жер участкасында КРдан Өзбекстанга мыйзамсыз өтүп бараткан дары-дармекти кармашканын мекеменин маалымат кызматы билдирди.
Мамлекеттик чек ара тилкесинде Өзбекстандын КР ЕАЭБ аймагынан КР жараны «М.М.» айдап бара жаткан «ВАЗ210740» үлгүсүндөгү унаа токтотулган. Унааны текшерүү учурунда жалпы баасы 9 млн 290 миң 700 сомду түзгөн «Инфера» дары-дармектери табылган.
«М.М.» аттуу жаран КР ЕАЭБ аймагынан Өзбекстанга бажы көзөмөлү жок товарларды мыйзамсыз алып чыгууга аракет кылган. Аталган унаа кармалып, жагдайлар такталганга чейин унаа Ош шаардык терминалынын аймагына жеткирилди. Бул факты КБР АДС МКЖга катталып, чогултулган материалдар процессуалдык чечим кабыл алуу үчүн Ош облусунун прокуратурасына өткөрүлүп берилди”, – деп айтылат маалыматта.
