Кыргызстанда мобилдик телефондорду каттоочу компания ачылат
Юстиция министрлигинин маалыматына ылайык, ишкана өлкө аймагында колдонулуп жаткан жана ташылып келинген мобилдик байланыш түзүлүштөрүнүн эл аралык уникалдуу идентификациялык кодун идентификациялоо боюнча иш алып барат.
Белгилей кетсек, быйыл минкаб атайын токтом кабыл алып, анда мобилдик телефондорду каттоого алуу тартибин бекиткен. Эрежеге ылайык, жаран ар бир алган телефон аппаратын 30 күндүн ичинде каттоодон өткөрүүгө тийиш.
Каттоодон өтпөгөн аппарат байланышсыз калышы мүмкүн. Министрлер кабинети бул ишти телефон контрабандасына жана аппараттарды уурдоого каршы аракет деп түшүндүргөн.
«Инмобайлс» деп аталган компания бир ай мурда «КРнын аймагына иштеп жаткан жана импорттолуучу мобилдик байланыш каражаттарынын, ошондой эле маалымат алуу үчүн колдонулган түзүлүштөрдүн эл аралык уникалдуу идентификациялык кодунун идентификациясынын аныктыгы жаатындагы ишмердүүлүк үчүн лицензия алган.
