Акылбек Жапаровго «Асман», «Бишкек Сити» жана №47 колониянын ордуна курулуучу турак жай комплексинин курулуш долбоорлорун көрсөтүштү

Минкаб башчысы Акылбек Жапаров Мамкурулушта жыйын өткөрүп, ага төрт ири курулуш долбоору сунушталды. Бул тууралуу өкмөттүн басма сөз кызматы билдирди.

Минкаб башчысына төмөнкү долбоорлор сунушталды:

• Ысык-Көл облусундагы экологиялык таза «Асман» шаарынын курулуш долбоору.
• Орок айылындагы 22 миң орундуу стадиону бар «Бишкек Сити» эл аралык ишкер борборунун курулуш долбоору.
• Борбор калаадагы №47 түзөтүү колониясынын ордуна мектеп жана бала бакчаларды камтыган турак жай комплексин куруу маселеси.
• Бишкектин жанындагы 7 миң орундуу спорттук-маданий комплекстин курулуш долбоору.

Минкаб башчысы тиешелүү ведомстволорго жогоруда аталган объектилердин курулуш долбоорлорун эл аралык стандарттарга жана ченемдерге шайкеш келтирүү иретинде сапаттуу иштеп чыгууну тапшырды.

«Бул объектилердин курулуш долбоорлорун сапаттуу иштеп чыгуу маанилүү. Аталган долбоорлор жагымдуулугу, ыңгайлуулугу, коопсуздугу жана экологиялык жактан тазалыгы боюнча тыкыр ойлонулушу шарт», – деди Жапаров. 

Бул долбоорлор боюнча министрлер кабинети башка маалымат берген жок.