Кыргызстанда тилемчиликке каршы жаңы чаралар каралууда

Кыргызстанда тилемчиликке каршы жаңы чаралар каралууда

Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында "Кыргыз Республикасынын айрым мыйзам актыларына (Укук бузуулар жөнүндө кодекске жана "Тышкы миграция жөнүндө" мыйзамга) өзгөртүүлөрдү киргизүү тууралуу" мыйзам долбоору биринчи окууда каралып, колдоо тапты. Демилгечи – Министрлер Кабинети.

Ички иштер министринин орун басары Нурбек Абдиевдин билдирүүсүнө караганда, мыйзам долбоору тилемчиликти азайтууга, коомдук тартипти сактоого жана жол кыймылынын коопсуздугун жогорулатууга, ошондой эле аярлуу катмардагы жарандарды эксплуатациялоодон коргоого багытталган.

Мыйзам долбоорунда коомдук жайларда жана жолдун жүрүүчү бөлүгүндө тажатма тилемчилик үчүн жоопкерчилик каралат, чет өлкөлүк жарандарга чара көрүү жана өлкөдөн чыгаруу үчүн укуктук негиз түзүлөт.

Талкуу маалында депутаттар коомдук жайларда кайырчылык кылуу көйгөйү, жол кыймылынын коопсуздугу жана чет өлкөлүк жарандарга карата чара көрүү маселелерин көтөрүштү.

Ошондой эле, комитет "2025-жылдын 29-сентябрында Минскте кол коюлган Кыргыз Республикасынын Министрлер Кабинети менен Беларусь Республикасынын Өкмөтүнүн ортосундагы реадмиссиялоо макулдашуусун ратификациялоо тууралуу" мыйзам долбоорун да биринчи окууда карап, колдоого алды.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Улуттук банк FinConference 2026 конференциясына катышты

Дайджест: Өлкөдө бир аптада орун алган маанилүү окуялар

Ишкерлердин бир катар категориясы фискалдык программалык камсыздоого милдеттендирилет

Улуттук банк гросстук эсептешүү системасына кошуу шарттарын тактоону сунуштайт

Жайылда таштанды үчүн компанияга 17 миң сом айып салынды