Экономика министрлиги ишкерлер үчүн атайын 5 нускама чыгарды
Экономика министрлиги ишкерлер үчүн беш колдонмо иштеп чыкты. Бул тууралуу ведомствонун маалымат кызматы билдирди.
Колдонмолордун ар бири юридикалык жактардын ар кандай түрлөрүн каттоо, калкты тейлөө борборлорунун жана ишкерлерди тейлөө борборлорунун даректери, мамлекеттик органдардын иш убактысы жөнүндө маалыматтарды, зарыл документтерди жана каттоо мөөнөтү жөнүндө маалыматтарды алуу боюнча кеңири түшүндүрмөлөрдү камтыган кадамдык нускамалардан, ошондой эле процедуранын башка деталдарынан турат.
Алар төмөнкүлөр:
- «Санариптик көчмөн» статусу
- Кыргызстанда бизнести каттоо
- Кыргызстанда салык салуу
- ИТБ – Ишкерлерди тейлөө борбору
- Кыргызстанда салыктык отчеттуулук.
Ошондой эле министрлик Кыргызстанда мындай колдонмолор биринчи жолу иштелип чыкканын, алар бизнесмендерге, анын ичинде КРга келген жана өлкөдө бизнес жүргүзүүнү көздөгөн чет элдик жарандарга пайдалуу болорун билдирет.
Колдонмолор менен Экономика жана соода министрлигинин сайтынан таанышууга болот.
