«Кыргызстанда жасалган» долбоорунун бет ачары болду - жакында расмий бекитүүгө жиберилет
Кечээ, 7-сентябрда Экономика жана коммерция министрлигинде 2023-2026-жылдарга “Кыргызстанда жасалган” улуттук экспорттук программанын долбоорунун бет ачары болуп өттү. Бул тууралуу аталган министрликтин маалымат кызматы кабарлады.
Иш-чарага өнүктүрүү боюнча өнөктөштөр, КРнын бизнес-коомчулугунун өкүлдөрү, алдыңкы экспортерлор – өндүрүүчүлөр катышышкан.
Ошондой эле иш-чарада секторлор аралык презентациялар сунушталды:
- экспортту стимулдаштыруу жана жылдыруу
- соода жол-жоболорун жөнөкөйлөтүү
- улуттук сапат инфраструктурасы
- каржылоо мүмкүнчүлүгү.
“Бул программанын долбоору жакын арада КРнын мамлекеттик органдарына расмий бекитүүгө жиберилет жана коомдук талкууга коюлат, ал эми тиешелүү жол-жоболор өткөндөн кийин, андан ары кароо жана бекитүү үчүн белгиленген тартипте КРнын президентинин администрациясына киргизилет”, – деп айтылат билдирүүдө.
