Пандемия мезгилде токтоп калган Ош - Андижан маршруттук каттамы кайрадан жанданды
Ош – Андижан багыты боюнча маршруттук каттам кайрадан жанданды. Бул тууралуу жергиликтүү “ОШ ТВ” маалымдады.
Маалыматка таянсак, бүгүн, 9-сентябрда алгачкы каттам менен 15 жаран “Достук” чек арасы аркылуу өтүп кетишкен.
Эми маршруттук унаалар Ош автобекетинен ар күнү, жыйырма мүнөт сайын каттап турат. Ушундай эле каттам Андижандан Ошту карай жүрүп турмакчы. Жол акысы 140 сом.
Эске сала кетсек, Ош – Андижан шаарларынын ортосундагы каттам пандемиядан улам токтоп калган болчу.
