Эгиндерди чаап-жыйноо боюнча азырынча Чүй облусунун чарбалары алдыда
Улутстаткомдун берген маалыматына таянсак, үстүбүздөгү жылдын 23-августуна карата дан эгиндери (дан буурчак өсүмдүктөрү, күрүч жана гречкасыз), өткөн жылдын ушул мезгилине салыштырмалуу 403 миң гектар аянттан 6%га көп жыйналган жана бир млн тоннадан ашык же 2 эсеге көп дан бастырылган.
“Республика боюнча дан эгиндердин чаап-жыйноо аянты жыйнала турган аянтына карата 70% жакын болуп түзүлдү, анын ичинде Чүй облусунун чарбаларында – 83%, Баткен – 71% жана Ош облусунда – 70%”, – деп айтылат маалыматта.
Өткөн жылдын ушул мезгилине салыштырмалуу арпанын дүң жыйымы (2.6 эсеге), буудай (2 эсеге) , май өсүмдүктөрү (10%га) жана мөмө-жемиштер (7%га) көп жыйналган.
